Presidentja Osmani takoi në Sofje mbretin jordanez

Presidentja e Kosvoës, Vjosa Osmani, në kuadër të takimit Aqaba në Sofje të Bullgarisë ka zhvilluar takim bilateral me Mbretin Abdullah ll të Jordanisë.

Osmani pas këtij takimi nëpërmjet rrjeteve sociale ka thënë se me mbretin jordanez ka diskutuar forcimin e marrëdhënieve mes Kosovës dhe Jordanisë, sfidat e sigurisë dhe zhvillimet gjeopolitike.

“Do të forcojmë bashkëpunimin tonë në mbrojtje, ekonomi dhe diplomaci, me marrëveshje që do të konkretizohen së shpejti”, shkroi Osmani.

Presidentja e Kosovës Vjosa Osmani ka udhëtuar për në Bullgari me ftesë të Mbretit të Jordanisë, Abdullah II, dhe presidentit të Bullgarisë, Rumen Radev, për ta përfaqësuar Republikën e Kosovës krahas liderëve të tjerë në takimin e nivelit të lartë të Procesit Aqaba për Ballkanin III, i cili po mbahet në Sofje.