Këngëtarja Dua Lipa do të performojë në “Sunny Hill” këtë fundjavë në Prishtinë

Artistë të shumtë, përfshirë këngëtaren me famë botërore Dua Lipa dhe këngëtarin turk Edis Görgülü, do të performojnë në Festivalin Sunny Hill, i cili do të mbahet në Prishtinë, kryeqytetin e Kosovës, nga 1 deri në 3 gusht, transmeton Anadolu.

Organizatorët e festivalit, nëpërmjet një njoftimi, kanë njoftuar se mijëra bileta nga më shumë se 60 vende të botës, përfshirë një interesim më të madh këtë edicion edhe nga Turqia, tashmë i kanë blerë biletat dhe kanë rezervuar hotelet e bujtinat, për edicionin e ri të Sunny Hill Festival.

Ndërkohë, u njoftua se mbushja e hoteleve në Prishtinë tejkaloi 95 për qind gjatë periudhës 1-3 gusht të festivalit.

Artistë të njohur botërisht, përfshirë Dua Lipën, Shawn Mendes, Anyma, Peggy Gou, Mochakk dhe Fatboy Slim, do të performojnë në festivalin i cili mbahet në Bërnicë të Ulët, shumë afër Prishtinës.

Artisti turk i muzikës pop Edis dhe artistja kosovare me famë botërore Dua Lipa do të performojnë në ditën e parë të festivalit, më 1 gusht.

Festivali Sunny Hill, i cili ka pritur yje ndërkombëtarë si Calvin Harris, Miley Cyrus, Martin Garrix dhe Bebe Rexha, organizohet nga Fondacioni Sunny Hill, i themeluar nga këngëtarja kosovare Dua Lipa dhe babai i saj, Dukagjin Lipa. Fondacioni përdor të ardhurat e tij për t'u mundësuar banorëve të rinj të Kosovës të shfaqin talentet e tyre përmes muzikës dhe artit.

Sunny Hill Festival ka thënë se këtë vit do të shënojë edicionin më të madh në historinë e festivalit.