Денот на наставата на турски јазик одбележан во Кичево
„Турскиот јазик е неразделив дел на културното и јазичното богатство на нашата држава и важен столб на мултикултурниот соживот што го изградивме“
Денот на наставата на турски јазик беше одбележан во Кичево, јавува Анадолу.
На свечената церемонија организирана во Општина Кичево присуствуваа министерот за социјална политика, демографија и млади на Северна Македонија, Фатмир Лимани, амбасадорот на Турција во Скопје, Фатих Улусој, градоначалникот на Општина Кичево, Александар Јовановски, како и други официјални лица.
Како дел од активноста, турското знаме беше подигнато и во зградата на Општина Кичево, заедно со македонското и албанското знаме.
Говорејќи на церемонијата, амбасадорот Улусој ја пофали важноста на оваа активност и им се заблагодари на сите официјални лица за подигнувањето на турското знаме.
Министерот Лимани, честитајќи им на Турците во Северна Македонија по повод Денот на наставата на турски јазик, рече дека „турскиот јазик е неразделив дел на културното и јазичното богатство на нашата држава и важен столб на мултикултурниот соживот што го изградивме“.
Со законските измени направени на 15 февруари 2007 година во Северна Македонија, 21 Декември официјално се одбележува како „Ден на наставата на турски јазик“.
